მზეს ვეძებ..

მზეს ვეძებ;
ვეძებ მზეს;
ვეძებ ზაფხულს..
სიგარეტს - დაშაქრულ თითებზე..
სიმშვიდეს, დაკარგულ მოსვენებას..
ქარისგან მოტანილ სიკეთეს..

ვეძებ  მეს,
გეძებ შენ,
ვეძებ სიტყვებს
და სახელს დაორთქლილ ჭიქაზე..
ზაფხულის სახსოვარ მოჩვენებას..
ბნელისთვის ნაჩუქარ სინათლეს..

ვეძებ გულს;
ვეძებ სულს;
ვეძებ სითბოს..
- უცნობი მუსიკის ხასიათს..
ვნებისგან დაღლილი ღამე ითხოვს
გრძნობებით გადამთბარ განთიადს..

ესეც შენ..
ესეც მე..
ესეც ასე!..
ვიცინე, ვიტირე, ვილაღე..
ქარისგან მოტანილ მოგონებას
ქარივე წაიღებს დილამდე.